CAGAYA DE ORO CITY – Sagangon sa mag-agaw’ng shabu seller suspects ang kasong pagsupak sa Comprehensive Dangerous Drugs Act of 2002 nga gipasaka batok kanila sa puwersa sa estado sa piskalya ning syudad.
Kini human gipalanog ni Police Regional Office 10 spokesperson Major Joann Navarro ang gitaho sa Regional Police Drug Enforcement Unit 10 ug Divisoria Police Station 1 sa Cagayan de Oro City Police Office o COCPO ang pagkasignit sa duruha pinaagi sa buy-bust operation sulod sa Kyross Inn sa Brgy 32 ning dakbayan
Gikasuli sa mga operatiba nga anaa sa 2.1 milyones pesos nga gitoohang shabu ang nabawi gikan kang alyas Bapa,44 anyos nga taga-Brgy Camaman-an kuyog si alyas Saidi,32 anyos nga gikan pa sa Lumbatan,Lanao del Sur.
Pagsaysay sa mga otoridad nga anaa sa 320 gramos sa gitoohang shabu ang nakompiskar kuyog ang ubang drug paraphernalia.
Kasamtangang detinado ang mga dinakpan sa Maharlika Detention Cell samtang gihulat ang mando sa korte nga isaka sa Lumbia City Jail nga ubos sa superbisyon sa BJMP-10.
Dugtong niini,nanugilon si PRO 10 Director Brig Gen Jaysen De Guzman nga ang pagka-aresto sa mag-agaw ang epekto sa walay hunong nga paggukod sa kagamhanan batok sa mga nagpayuhot sa illegal nga droga sa nasud.
