Gikompirmar ni Dr. Jose Rene De Grano, presidente sa Private Hospitals Association of the Philippines Inc. (PHAPI), ang pagsaka sa singil sa serbisyo sa halos 50% nga ihap sa mga pribadong hospital sa Pilipinas.
Namugos si de Grano nga dili malikayan ang umento tungod sa nagsaka nga galastuhon sa medikal nga suplay, tambal, ug kagamitan.
Gani, iyang gitumbok nga halos tanan pribadong ospital sa nasud nagpatuman sa 10% hangtod 15% nga pagtaas sa singil sa ilang operasyon.
Ang ubang Level 2 ug Level 3 nga hospital nagpatuman sa hangtud 20% nga usbaw tungod sa mas komplikadong serbisyo nga ilang gitanyag.
Gipasabot ni De Grano nga ang usbaw sa singil, gidapat sa suhulan sa mga staff sama sa nurses, medical technologists, radiology technicians, ug pharmacists, aron mapadayon ang kalidad sa serbisyo.
