CAGAYAN DE ORO CITY – Gipahunong una sa Land Transportation Franchising and Regulatory Board 10 nga ubods sa Department of Transporation o DOTr ang pagpatuman sa Local Public Transport Route Plan o LPTRP sa dakbayan.
Kini subay sa kompirmasyon ni LTFRB 10 regional director Abosamin Matuan nga epekto sa dayalogo nga gipatawag ni City Vice Mayor Jocelyn Rodriguez kuyog ang transport groups nga apektado sa bag-ong mga rota.
Namahayag si Matuan nga mismo si Mayor Klarex ang nagdesider nga dili lang una ipadayon samtang ipaubos sa dugang pagtoon ang maong programa sa kagamhanan.
Mismo si Rodriguez ang mitawag sa mga lider sa transport groups nga magtigom sila ug modalikyat sa buhatan sa mayor aron ipadayag ang hangyo nga gihataga’g pabor sa kagamhanang-lokal sa dakbayan.
Hisayrang nag-transport strike ang mga drayber batok sa maong programa kay wala sila makaangay sa mga rota nga gipasunod kanila epekto sa kaalkanse sa mga mosakay nga ihap nga mga pasahero.
