CAGAYAN DE ORO CITY – Gipangita pa sa kapolisan ang mga suspek pagpusil sa duha ka habal-habal drivers nga igo lang namasahero sa Zone 8,Brgy Villa Rosario,Brgy Casinglot,Tagoloan,Misamis Oriental.
Kini human nag-resulta sa kamatayon sa biktima nga si Junryl Jarales, 41 anyos nga Brgy Baluarte ang pagkapusili niini sa usa sa mga suspek gamit ang kalibre 45 nga armas ug pagkaangol sa kauban niya nga si alyas Survivor nga residente gihapon sa lungsod.
Namahayag si Tagoloan Police Station commander Major Renz Serrano nga wala pa sila’y person of interest sa hitabo apan hulaton nila makahatag sa igong panahon si alyas Survivor kay madumduman pa niini ang mga hitsura sa mihimo kanila sa maong kremin.
Siya miingon nag-unang motibo sa mga suspek ang pagkawat sa mga motorsiklo sa mga biktima kay gipasakay na nila kini sa gimaneho nila nga bao-bao o tricab aron unta isibat.
Apan kay gisita, gipangpusil sila rason nga naigo sa ulo si Jarales hinungdan sa kamatayon niini samtang dughan usab si alyas Survivor.
Nakapangayo pa’g tabang si alyas Survivor rason nga paspas kining narespondehan sa mga pulis kaganihang kadlawon.(Photo: CTTO)
