CAGAYAN DE ORO CITY – Wala na’y pagkaso sa duha ka drayber nga nalambigit sa duguong aksidente sa Purok 13,Baloy,Brgy Tablon ning syudad.
Kini bisan nga nag-resulta sa pagkamatay sa pahenante ug 17 ang naangol sa panagbangga sa elf truck ug Donsal mini-bus sa miaging adlaw.
Miingon s COCPO-Traffic Enforcement Management investigator Staff Sgt Maximo Judaya nga nagkauyon na ang duha ka panig nga dili magkinasuhay sa maong aksidente.
Nawad-a’g preno ang trak hinungdang misungag sa mini-bus nga nag-resulta sa dugu-ong aksidente.
Maoy namatay sa aksidente si Reggie Villarobia nga taga-Libona,Bukidnon nga maoy nagrabehan sa aksidente.
Hisayrang maoy nagmaneho sa trak si Alexis Navarro samtang ang nagmaneho sa bus si Retchel Montecer nga pulos taga-Bukidnon.
