Patay nang napalgan ang duha sa pito ka construction workers nga na-anod samtang mitabok sa spill way sa Barangay Camuayan, Balingasag, Misamis Oriental.
Sa exclusive interview sa Bombo Radyo kang kanhi Barangay Camuayan Kagawad Jbom Dansal, siya miingon nga nanabok kining mga trabahante sa Camuayan Spillway bandang alas 9 sa gabie, human sa ilang duty, sa miaging Hunyo 6.
Kusog ang sulog sa tubig baha sa spill way hinungdan nga nadala sila sa tubig.
Kagahapon, narekober na ang lawas nila Jocelyn Nabua Caculba, 58 anyos ug si Erlinda Sajol Dahay 66 anyos, pulos minyo ug residente sa maong lugar.
Kagabie padayong gipangita sa Provincial Disaster Risk Reduction and Management Office (PDRRMO), Philippine Coast Guard ug Bureau of Fire Protection ang kauban sa duha ka mamatay nga si Merlinda Salingay Ganzan, ug laing upat pa ka wala ilhing mga trabahante.
Miingon si Danzal nga dili nila ihunong ang search and rescue operation hangtud makit-an nila ang tanan namissing.
Mikoordinar na ang Balingasag PDRRMO sa kasigbit nga mga munisipyo kalabot sa naanod nga mga biktima.
Una niini, mibubo ang kusog nga ulan sa munisipyo dala sa Low Pressure Area (LPA) ug nag resulta sa grabeng pagbaha.
