Gihingusgan sa liderato sa North Atlantic Treaty Organization (NATO) ang 400% nga pagpadaghan sa ilang air ug defense capabilities.
Gihimo ni NATO Secretary General Mark Rutte ang pamahayag sa Chatham House, agig pangandam sa ilusad nga NATO Summit 2025 ug kini ipahigayon sa The Hague, Netherlands sugod Hunyo 24 hangtod Hunyo 26, 2025.
Sa maong speech, iyang gipamugos ang paglusad sa “quantum leap” sa depensa aron ma-protektahan ang alyansa batok sa hulga sa Russia ug China.
Kini ang rason nga misugyot si Rutte nga patas-an ang ilang sa defense spending aron samot nga mulig-on ang NATO forces.
Sa kasamtangan ang NATO nagbaton sa 32 ka miyembro, lakip ang European Union, kundiin padayon ang tinguha sa Ukraine nga mahimong partnet nations.
Una niini, gisilsil na daan ni Rutte sa tanan NATO members nga kinahanglan musaka ang ilang defense spending sa 5% gikan sa ilang GDP.
Kini nga sugyot usa ka klase sa compromise deal nga gisuportahan ni US President Donald Trump, nga dugay nang nagduso sa mas taas nga military spending sa Europe.
