CAGAYAN DE ORO CITY – Gipaniguro sa Police Regional Office 10 nga luwas ang oplan pagbalik-eskuwela sa kabataan ingon man sa ilang mga magtutudlo alayon sa pagbukas na sa klase sa mga pampublikong tunghaan sa Northern Mindanao ning adlawa.
Kini human gimando ni PRO 10 regional director Brig Gen Jaysen De Guzman nga mangunay sa pag-assist ang ikatag nila nga mga pulis ngadto sa mga tinun-an sa panahon nga padulong sila sa mga tunghaan.
Gibutyag ni PRO 10 spokesperson Major Joann Navarro nga kapin libo ka pulis ang gikatag sa Kampo Alagar sa lima ka probinsya sa rehiyon sa pagsiguro nga mahatagan sa igong proteksyon ang kabataan sa ilang mga pagtungha.
Gawas lang sa Cagayan de Oro nga ubos sa special non-working holiday,bukas na ang mga klase sa dakong bahin sa rehiyon ning adlawa.
