Misaka pa sa 224 ka tawo ang namatay sa Iran, segun sa Iranian Defense Ministry, sa ika-upat nga adlaw nga binayluay sa mga projectile missiles batok Israel.
Sa maong ihap kapin libo ang angol ug nasulod mga balay tambalanan.
Sa pikas bahin, gipadayag ni Israeli Prime Minister Benjamin Netanyahu ang iyang tumang pagsubo sa pagkamatay sa 24 ka tawo nga naipit sa crossfire sa Israeli Defense Force ug Iranian Revolutionary Guard.
Siya miingon nga anaa sa 1,200 ka tawo ang padayong gitambalan sa mga hospital human walay swerte nga naigo sa nakatipas nga missile ang ilang mga puy-ana sa Tel Aviv ug sa syudad sa Bat Yam.
Kagahapon, linawas nga gibisita ni Netanyahu ang nabombahan nga syudad, kundiin lakip sa kaswalti ang mga sibilyan, mga kapulisan, ug mga opisyal sa militar.
Ang sitwasyon nagpadayon sa nagka-grabe ug wala gihapo’y sinyales ang matag lider sa duha ka nasud nga mu-undang sa ilang pagkig-giyera.
