Namugos si Senate Pres Chiz Escudero nga nasunod nila ang kasuguan sa batakang balaod sukwahi sa gustong ipatoo sa sa mga nagpanikad nga itaral si Vice Pres Sara Duterte sa impeachment case nga iyang giatubang sa senado.
Miingon si Escudero nga klaro usab sa balaod nga walay nagpugong sa senado paghimo sa mga aksyon niini sa kondisyon nga nasubay ang diktar sa konstitusyon.
Kini ang rason nga gibarugan nila nga ensakto lang ang gihimo nila nga pagpabalik sa articles of impeachment,dili aron ibasura apan ipa-rebyo sa mga kongresista ayha sila mosugod sa pagtaral niini sa mga mosunod nga adlaw.
Apan mihirit usab si opposition Sen Koko Pimentel nga dili ensakto ang hukom sa 18 ka senador.
Kini tungod kay kung walay limitasyon,nagkahulugan nga wala na lang unta sila mihurar isip senator judges.
Si Pimentel kabahin sa lima ka senador nga mihingusog pasugdan ang pagtaral batok VP Sara.
