CAGAYAN DE ORO CITY – Walay dagkong mga suliran nga nasinatina ang pag-abli’g balik sa klase sa mga tinun-an ug mga magtutudlo sa Misamis Oriental General Comprehensive High School o MOGCHS sa Don Apolinar Velez Street ning syudad.
Kini haom usab sa gisulti sa Police Regional Office 10 nga generally peaceful ang ilang monitoring sa unang adlaw sa pag-abli sa klase sa rehiyon.
Apan gipalanog ni MOGCHS Principal IV Dr. Melende Catid nga unta likayan sa mga ginikanan nga nagbaton sa mga kaugalingong sakyanan nga mosulod sa bisinidad sa tunghaan kay aron dili madisturbo ang pagtoon sa kabataan.
Kini tungod kay prioridad ang pag-leksyon ug dili ang pagpasulod sa mga pribadong sakyanan nga makahatag disturbo kay anaa ang kabalaka nga maligsan ang mga tinun-an.
Hisayrang wala itugot nga adunay mga sakyanan nga makaparada sa sulod kung dili konektado sa mismong tunghaan.
