Sa walay pagduha-duha, gi-anunsyo ni Israel Prime Minister Benjamin Netanyahu nga sunod target sa Israeli Defense Force si Iran’s Supreme Leader Ayatollah Khamenei.
Gihimo ni Netanyahu ang pasidaan dihang gihinabi siya sa international news media human sila milampos pagpatay kang Major General Ali Shadmani, ang pinakataas nga opisyal sa militar sa Iran, sa usa ka airstrike sa Tehran.
Naila si Shadmani isip pinakasuod nga military adviser ni Khamenei, ug bag-o lang gitudlo nga commander sa Khatam-al Anbiya Central Headquarters.
Ang pagpatay kang Shadmani nahitabo pipila ka adlaw human niya gihulipan si Gholamali Rashid, kinsa napatay usab sa laing Israeli strike.
Namugos si Netanyahu nga ang pagpatay kang Khamenei maoy numero unong epekto aron mu-undang na ang gubat kay mawad-an na’g boses ug kusog ang agresyon nga gi-inisyar sa gobyerno sa Iran.
