CAGAYAN DE ORO CITY – Gipasalig ni Misamis Oriental Governor Elect Juliette Uy nga mopatuman sa mga kabag-uhan sulod sa kapitolyo-probinsyal.
Kini sa higayon nga mosugod na sa pagserbisyo isip gobernadora sa kapitolyo sa Hunyo 30 sa udto.
Miingon si Uy nga wala na’y luna ang mga empleyadong sipsip ug amigo-amigo system kay dili niya kini tagdon.
Gihimo ni Uy ang maong mensahe nunot sa iyang paghurar atubangan sa political supporters sa lungsod sa Villanueva ning lalawigan kaganihang buntag.
Siya miingon nga walay pili ang mga tawo nga makasulod sa kapitolyo nga angay silbihan.
Hisayrang siya ang ikaduhang babaye nga nahimong gobernadora nga nagsunod kang kanhi Governor Ruthie de lara Guingona sa tuig 1998.
