CAGAYAN DE ORO CITY – Walay makonektar nga ‘foul play’ sa paghunos-kinabuhi sa 49 anyos nga bana sa Zone 7,Brgy Cugman ning syudad.
Giila ang biktima nga si Jupiter Lambayong Ragot,balo ug nagpuyo sa maong lugar.
Subay sa pakisusi sa mga imbestigador ni Cugman Police Station commander Major Jason Felicilda nga natangtangan sa nakahikot nga ‘hose’ ang li-og ang biktima sulod sa pinuy-anan dihang nahidangat sila sa lokasyon.
Sulti pa sa nabiyaan nga mga pamilya sa biktima nga posibleng ang grabeng kaguol/depresyon o paghambin sa sakit ang nagtukmod niini sa pagbugto sa kinabuhi.
Gisugyot pa nila nga ipaubos sa otopsiya apan mismo ang nabiling mga sakop sa pamilya ang nagdumili apan gipaubos sa normal proseso aron mahatagan sa disenteng haya sa katapusang higayon.
Hisayrang bag-uhay na namatay’g kapikas ang biktima nga hayan posibleng tinubdan sa gibati nga kagul-anan.
