CAGAYAN DE ORO CITY – Gipangita sa mga operatiba sa kapolisan ang anak nga gitumbok nga midunggab-patay sa ama-ama niini gamit ang kutsilyo nga panggutad sulod sa ilang pinuy-anan sa Zone 5,Lower Kalye Apike,Brgy Bugo ning syudad.
Giila sa kapares nga si Elizabeth Ledesma,70 anyos ang biktima nga si Juanito Ledesma,73 anyos nga managsama nagpuyo sa maong lugar.
Gisaysay ni Lola Beth sa kapolisan nga kalit lang mibutho ang anak niini nga si Rommel Belmas ug gilayong atake ngadto kaniya gamit ang hait nga hinagiban kagahapon sa buntag.
Apan abtik nga nasagang ni Lola Beth ang atake sa suspek hinungdang napahimungtang niini ang Lolo Juanito.
Nahiagom sa daghang samad sa lawas si Ledesma hinungdan sa kamatayon niini.
Paspas mikagiw palayo sa lugar ang suspek nunot sa dugu-ong gihimo nga kremin sulod sa pinuy-anan sa magtiayong Ledesma.
Dumduman nga nasaysay usab ni Lola Beth nga mibati’g drepesyon ang suspek kay giingong nagbaton sa anak-lalaki ang iyang kapikas nga gikan sa kauluhan.
Kini ang rason nga nausab ang suspek ug ayha mihawa sa balay sulod sa usa ka bulan,nanganti kini sa iyang pagbalik pamatyon silang tanan.
