CAGAYAN DE ORO CITY – Kutob na lang sa pagbasol ug kahinugon ang pamilya sa 20 anyos nga amahan nga mitinood sa pagbugto sa kaugalingong ginhawa nga nakabase sa lungsod sa Opol,Misamis Oriental.
Kini human kompirmaha sa kaugalingong inahan nga si Annaliza Lacorda nga iyang anak nga gipanganla’g Michael Lacorda ang nakit-ang nagbitay ibabaw sa kahoy’ng mangga sa Zone 2A Brgy Igpit sa maong lungsod.
Namahayag sa imbestigador sa Opol Police Station ang inahan sa biktima nga gikakurat nila ang kalit nga paghukom sa kinabuhi niini sa wala matino nga gihambin nga personal nga suliran o problema.
Apan milugwa usab ang mga impormasyon nga ayha nahitabo ang pagbiya sa biktima sa kalibutan, giingong gikalalis pa niini ang iyang pares diin sila nagbaton bata pa kaayo nga anak.
Siya miingon nga dili na bag-o kanila madunggan gikan sa biktima nga gilayong mosampit sa paghunos-kinabuhi kung mabikil apan wala kini mahitabo gawas lamang ning gutlua.
Kini tungod kay maoy misugat kanila ang kasayuran nga wala na’y kinabuhi ang biktima kay naggapos sa li-og ug gihikot sa mangga.
