CAGAYAN DE ORO CITY – Mohatag sa dugang peligro sa ang MPOX infection sa mga pasyente nga naghambin nang daan sa sakit nga kanser,diabetes ug HIV patients.
Kini ang pahimangno ni Dr. Ted Yu,provincial health officer sa Misamis Oriental Provincial Health Office kabahin sa pagpahugot ni incumbent Gov. Peter Unabia sa entrance ug exit points sa lalawigan batok sa maong balatian.
Miingon si Yu nga wala pa’y tambal nga naporma batok sa maong bayrus apan dili angayang mag-self medication ang bisan kinsa nga naghambin niini.
Kini ang rason nga gidasig nila ang katawhan sa lalawigan nga kanunay makig-koordinar sa 23 ka lungsod ug duha ka syudad sa probinsya aron mahatagan sa giya kung sa ilang pagtoo nagbaton sila sa MPOX infection.
