CAGAYAN DE ORO CITY – Nakabadbad na sa hingpit sa iyang kaugalingong pagka-gapos sa indoktrina sa insurhensiya o pakigbatok sa kagamhanan ang kanhi aktibong sakop sa Communist Terrorist Group/CTG dihang nakabalik sa sabakan sa balaod.
Kini human ang hiniusa nga pagtahan sa 64 anyos nga si alyas Botyok ngadto sa intelligence operatives sa 1st Bukidnon Provincial Mobile Force Company kuyog sa mga operatiba sa Malaybalay City Police Station,Bukidnon Provincial Intelligence Unit,IG ingon man ISOD aron isalikway sa hingpit ang hiwi nga pagtuluan sa kanhi gisudlan nga grupo sa lugar.
Nasuta nga ang 64 anyo nga si alyas Botyok ang usa ka mag-uuma ug nagsilbing non-PSR listed nga nagpuyo sa Sitio 55 kilometer sa Brgy Binicalan,San Luis sa Agusan del Sur sa Caraga region.
Gisaysay niini nga nakahukom kini pagbalik sa kagamhanan kay bungkag na ang gianiban niya nga SECOM,SRC2 ubos sa North Central Mindanao Regional Committee sa CTG.
Bitbit pagtahan ni Bokyok ang caliber 22 revolver nga adunay unom ka bala.
Hisayrang tulo lang ka tuig nga aktibo sa kalihukan si Botyok gikan 2013 hangtod 2016 ug nagtagu-tago na kini.
