CAGAYAN DE ORO CITY – Walay igong basehan ang pasangil nga tigdawatan sa 80-mil pesos nga honorarium ang kasamtangang mga consultant ni outgoing Misamis Oriental Gov. Peter Unabia sa kapitolyo-probinsyal.
Kini ang katin-awan ni outgoing Provincial administrator John Venice Ladaga kabahin sa mikatap nga kasayuran nga ingon ana kadagko ang binulan nga dawaton sa gihuptang consultants ni Unabia sulod sa tulo ka tuig nga pag-alagad sa katawhan sa lalawigan.
Miingon si Ladaga nga tinood nagbaton sa gikinahanglang consultants si Unabia apan dili tanan ang nagdawat sa 80-mil pesos.
Kini tungod kay mag-agad man usab kini sa abilidad ug serbisyo nga gikinahanglan sa kapitolyo alayon sa mga programa nga gipatuman sa lalawigan.
Siya miingon nga may mga consultant nga nagdawatan lang sa 50-mi,25-mil,20-mil ug 10-mil kay gipahaom man kini sa mahatag nila nga serbisyo.
Dugang niini nga dili bag-o nga isyu ang pagkuha sa consultants kay komon man kini dili lang sa local government units apan bisan sa nasudnong ang-ang sa kagamhanan.
