CAGAYAN DE ORO CITY – Dili grandstanding apan pag-aksyon sa giingong nangabot nga mga reklamo batok kang Association of Brgy Councils Vice President Gusa Brgy Kap Marlo Tabac ning syudad.
Kini ang depensa ni outgoing ABC President ug incoming 2nd District City Councilor Alam Lim kung nganong gihangyo niya ang pipila ka komitiba sa konseho sa syudad nga mahisgutan ang mga reklamo batok kang Tabac.
Siya miingon nga igo lang kini miaksyon sa seryosong mga pasangil batok sa iyang bise-presidente nga dili usab niya mahimong e-baliwala kay madaot ang giingong kredebilidad sa Liga ng Brgy-CdeO chapter.
Gitambagan na lang niya ang mga misimpatiya kang Tabac nga hulaton ang resulta sa mga imbestigasyon kabahin sa mga gipakang nga mga reklamo.
Kabahin sa mga lakang nga gihimo ang paghangyo sa special audit sa Commission on Audit batok sa gilambigitang pinansyal nga transaksyon ni Tabac.
Kini ilabina sa isyu nga giakusar ni Lim nga tseke sa barangay,langan nga suhulan sa pipila ka empleyado ni Tabac ug ang isyu sa pondo sa Sangguniang Kabataan/SK.
Una nang nakatilaw sa grabeng pagbatikos ang gihimong lakang ni Alam ug daghang kapitanes nga ilegal nila gipabakante kang Tabac ang pagka-bise presidentee aron dili makalingkod kung moabot na ang petsa 30 sa Hunyo.
Kini tungod kay subay sa constitutuion and by-laws sa liga,si Tabac ang mopuli sa ibakante ni Alam apan lauman nga adunay political circus sa sunod semana kay gipapha kini gamit ang palusot nga ‘loss of trust and confidence.’
Dumduman nga gibasura sa ABC National League ang gihangyo sa grupo ni Lim nga special election alang sa pagka-bise presidenti kay walay basehan ang gihimo nila kang Tabac.
Giangkon nila nga wala nila hatagi’g higayon maka-depensa si Tabac ug makahimo sa angay buhaton rason nga ayha pa sila nagduso’g mga rekisito ug papeles dihang miuntol ang ilang dinalian nga lakang padulong sa national league.
Hisayrang daan nang naghunaw si City Mayor Klarex Uy nga walay kalabutan sa gipanghimo nila ni Alam rason nga naumol ang mga pagduda nga mani-obra lamang kini sulod sa ABC aron wad-an sa kahigayonan si Tabac.
