CAGAYAN DE ORO CITY – Gihangyo ni kanhi Misamis Oriental Gov. Peter Unabia si incumbent Gov Juliette Uy nga ipadayon ang mga nasugdang mga programa nga direktang makahatag sa kaayuhan sa katawhan sa lalawigan.
Kini epekto sa pag-asyumar na si Uy sa pagka-gobernador hulip kang Unabia sa kapitolyo-probinsyal kagahapon sa udto.
Namahayag usab si Unabia nga angayang paluyuhan sa mga empleyado sa probinsya ang liderato sa bag-ong gobernadora nga ikauban nila sa tulo ka tuig.
Siya miingon nga angayang ihatag sa maong mga empleyado ang kasibot sa trabaho subay sa kasuguan sa balaod.
Hisayrang sa panahon ni Unabia maoy gihingusgan niini ang pagpaubos sa ihap sa mga pamilya nga nagapos sa grabeng kawad-on gikan 18.1 porsiento ngadto sa 15.5 percent na lang sulod sa iyang termino nga pagdumala sa probinsya.
