CAGAYAN DE ORO CITY – Pinasahi ang pag-agni ni Misamis Oriental Governor Juliette Uy sa mga Misamisnon ug mga dumuduong nga dili maikog sa pagduaw sa balay-probinsya sa kapitolyo-probinsyal nga nakabase ning syudad.
Kini human gipaubos sa simple nga seremonya ang pagbukas sa ganghaan sa kapitolyo-probinsyal diin siya mag-opisina ug moabi-abi sa katawhan nga adunay mga nagkalain-lain nga katuyuan ning buntag lamang.
Gihimo sa gobernadora ang seremonya pagkahuman sa iyang pakigpulong diin gibatbat niini ang iyang mga palisya ug mga programa nga gipahinungod alang sa katawhan sa lalawigan.
Gawas kanila nila Villanueva Mayor Atty Julio Uy,former Villanueva Mayor Jennie Uy-Mendez,Misamis Oriental 1st District Cong. Jennifer Lagbas ug mga mayores ingon man political supporters, imbitado usab si City Vice Mayor Jocelyn ‘Bebot’ Rodriguez sa kalihukan.
Misaksi usab ang ubang mga opisyal gikan sa national lined agencies ingon man ang gikan sa security cluster nga gilakipan sa kapolisan ug mga sundalo nga direktang makahatag sa proteksyon sa katawhan sa probinsya.
Hisayrang bugtong si re-elected 2nd District Sangguniang Panlalawigan Board Member Princess Emano lang ang mitunga gikan sa lehislatura sa probisnya nga gipanguluhan ni incumbent Vice Governor Jigjag Pelaez.
