CAGAYAN DE ORO CITY – Kamulong hagpat ang administrasyon ni City Mayor Rolando Klarex Uy sa mga trabahanteng kaswal ug job orders nga ikakuyog niya sa laing tulo ka tuig pagpangalagad sa katawhan sa dakbayan.
Kini human isulti ni Janboy Actub,tigpamaba sa mayor nga anaa sa 200 ka casual workers ug 4,500 JOs ang mipaubos sa subsob nga ebalwasyon kung angay sila mahatagan sa laing higayon maka-trabaho o dili na city hall.
Siya miingon nga segurado nga adunay mabilin apan may daghang ihap usab kanila ang mahulipan ilabina kadtong dili impresibo ang working performance sa ulahing mga bulan diin sila empleyado sa city govt.
Miingon si Actub nga wala pa sila’y nasayran kung pila ang nabilin ug nangatangtang kay wala pa ang paglihok sa request for employment alang sa moabag sa mga kalihukan ug serbisyo sa city hall.
Hisayrang regular workers una ang gipatrabaho mihulip sa mga gimbuhaton sa casuals ug JOs nga wala pa’y kasiguruhan ang pagbalik sa ilang mga trabaho sukad paghupas sa mga kontrata niini sa miaging Hunyo 30 sa udto.
