CAGAYAN DE ORO CITY – Nasugdan na ang pasiunang mga lahugay sa department managers sulod sa city hall sa Cagayan de Oro ubos ni Mayor Klarex Uy.
Kini human anaa sa siyam ka opisina ang nagbaton sa mga ulo sa departamento isip preparasyon sa mas dunay ngipon nga pagdumala sa mga kalihukan sa dakbayan.
Miingon ang tigpmaba sa mayor nga si Janboy Actub nga gawas nga gidumala ni John Asuncion ang Oro Trade and Investment Promotions Center,co-current overseer usab kini sa City Housing Urban Development isip dugang tahas kaniya sa dakbayan.
Nagsilbi na usab nga acting manager si Remy Labiano II alang sa Community Affairs Office;nangulo usab sa City Information Office si Jade Adeser isip tubag sa hangyo ni acting CIO chief Ian Fuentes kabahin sa kahimtang sa iyang panglawas.
Apan giklaro ni Actub nga acting in capacity gihapon ang dala ni Adeser apan masaligon kini nga mahatag ang gilauman ni Klarex ilabina sa mga pagbalitang patas ug sangkap sa kamatuoran.
Nagsilbing city planning officer na usab si Engr Ardenis Cabrera samtang pulos gibalik sa ilang tagsa-tagsa ka opisina sila si Atty Percy Salazar sa city budget office ug Atty Beda Elot sa accounting department sa dakbayan.
Gitahasan mangulo usab si Melanie Navarro sa City Assessment Department.
Nabutangan na usab sa bag-ong opisyal ang city tourism officer apan pabiling anaa gihapon si Marky Jalapadan.
Gawas kanila, may mga gipahumtang usab nga assistant managers ang pipila ka city hall departments nga kabahin sa lahugay nga gipatuman sa administrasyon.
