CAGAYAN DE ORO CITY – Balik-serbisyo na si City Mayor Klarex Uy alang sa ikaduhang termino niini pag-alagad sa katawhan sa dakbayan.
Kini human nasublian si Uy sa pagka-mayor diin dugang tulo ka tuig ang gihatag kaniya sa katawhan sa milabay’ng May 12 elections.
Miingon si Klarex nga unta ipadayon sa city hall workers ang kinasingkasing ug kalidad nga pagtrabaho alang sa insklusibong serbisyo sa mga tawo sa syudad.
Siya miingon nga bitbit niini ang lig-on,tinud-anay ug mas duol sa katawhan nga pagserbisyo.
Hisayrang gipatuman sa mayor ang paglahugay sa pipila ka ulo sa departamento sa city hall ug ang pagpasulod sa bag-ong mga empleyado isip hulip sa job orders ug casuals nga wala na ma-renew sa ilang mga kontrata kay pakyas makab-ot ang gipangayo nga sukdanan sa trabaho.
