CAGAYAN DE ORO CITY – Subli gipamugos sa panig ni kanhi Misamis Oriental Gov. Peter Unabia nga ‘excess files’ ang nahukman nga gipalabay ug gipalubong nga mga dokumento nga miani’g pagduda sa katawhan nga nasayod niini.
Miingon si kanhi Provincial Legal Officer Atty. Neil Pacana nga walay angay ikabalaka ang bag-ong administrasyon kay adunay mga kopya niini sa mga hingtungdang mga opisina sa kapitolyo-probinsyal.
Siya miingon nga walay gitago ang kampo ni Unabia kay sa panahon pa unta gani sa una pang mga gobernador ipang-dispatsa ang maong mga dokumento kay nakadugang sa kapiot sa kapitolyo-probinsyal.
Apan dili kumbinsido si incumbent Provincial Legal Officer Atty Angel Lim sa pangulipas sa kampo ni Unabia nga gihimo ang paglabay sa mga dokumento nga iya sa kapitolyo-probinsyal nga walay nagpahipi sa nga katuyuan.
Kini tungod kay gibubuan sa paint thinner ang maong mga papeles nga hayan dili gusto masayran ang mga unod niini.
Apan misaligon kini nga molugwa ang kamatuoran kabahin sa gilusad nga imbentaryo nga walay mga kakulian nga madiskobre nunot sa maong hisgutanan.
