CAGAYAN DE ORO CITY – Dili retrofitting ug repair apan replacement ang ipatuman sa Department of Public Works and Highways o DPWH 10 kuyog sa kagustuhan sa city government sa Cagayan de Oro sa Carmen Bridge ning syudad.
Kini subay sa gilugwa nga bag-ong katin-awan ni DPWH 10 planning and design division chief Engr Lewald Picorre kabahin sa kahimtang sa maong makasaysayanon nga tulay sa dakbayan.
Miingon si Picorre nga angayang panghulipan na ang materyales apan dili wad-on ang desisyon kay dilikado na alang sa seguridad sa katawhan.
Siya miingon nga temporaryo nga gibuhatan nila sa dalaan nga haom sa mga tawo nga tuyo motabok sa isigkatampi aron dili una makabalda sa ilang mga gimbuhaton.
Namugos ang ahensiya nga angay nang pulihan ang mga kagamitan sa maong tulay kay peligro na pag-ayo sa mga sakyanang mangagi.
Dumduman nga sa ulahing panagsabot tali sa presenisya sa Kagayan Heritage Advocates kuyog sila si 1st District Cong. Lordan Suan ug 2nd District Cong. Rufus Rodriguez, wala mahisguti ang pag-ilis apan pagtul-id lamang aron mapalig-on ang pundasyon sa tulay ug ubang bahin niini.
Hisayrang sa city mayor’s term report ni City Mayor Klarex Uy sa miaging Hunyo 16 ning tuiga,kabahin ang maong tulay nga apil sa pahigayunan sa aksyon sulod ning tuiga.
