Ipadayon sa European Union ang pakignegosasyon aron malikayan ang hingpit nga pagpakang sa 30% taripa sa ilang mga produkto nga musulod sa 50 ka estado sa Amerika.
Namahayag si European Commission – President Ursula Von der Leyen nga taman pa sa Agosto 1 ang deadline sa pakignegosasyon ug sila naningkamot nga kini malikayan.
Hinoon, gitin-aw ni Von der Leyen nga andam usab sila mupakang sa reciprocal tarrif oras nga ipatuman na ni US President Donald Trump ang 30% nga taripa sa tanan EU import products.
Una niini, hugot ang pagtoo sa EU nga taktika ra kini ni Trump aron pugson ang Europa sa pag-uyon sa iyang mga kondisyon, ug wala siya masayud sa seryoso nga epekto ug impact sa transatlantic supply chains sa negosyo ug presyo tali sa dagan sa mga ekonomiya sa global market.
