CAGAYAN DE ORO CITY – Gilayong gipangda-uban sa mga otoridad ang 366-mil pesos nga balor sa mga tinanom nga drogang marijuana nga ilang naibot sa Purok 3,Brgy Lourdes,Valencia City,Bukidnon.
Kini human hap-i sa hiniusang operasyon sa mga personahe sa Bukidnon Provincial Drug Enforcement Unit, Bukidnon Provincial Intelligence Unit,Regional Drug Enforcement Unit 10,Valencia City Police Station ug PDEA ROX Bukidnon Provincial Office sa lugar.
Matud ni Police Major Joann Navarro,tigpamaba sa Police Regional Office 10 nga nadiskobre sa tropa ang maong droga nga gitanom sa 250 metro-kuwadrado nga luna sa maong syudad.
Tipik sa mga nakompiskar ang 100 marijuana seedlings,duha ka plastic seedling trays, 10 ka fully grown marijuana plants,tulo ka kilo sa pinauga nga marijuana leaves.
Sa tuyo nga dili na mabaligya sa merkado,gilayong gipangsunog ang mga ebedensiya ug gibinlan lang sa sampol nga gitugyan sa forensic unit sa Bukidnon PNP.
Padayong giimbestigaran pa sa mga otoridad kung kinsa ang mga tawo nga nalambigit sa kalihukang illegal.
