CAGAYAN DE ORO CITY – Giangkon sa City Tourism Office-Cagayan de Oro nga adunay kakulangon sa ilang pagpalig-on sa mga programang mi-sentro sa turismo sa dakbayan.
Kini human kompirmaha ni Asst City Tourism Officer Mark Kenneth Jalapadan nga mihinay ang promosyon sa white water rafting sa syudad.
Miingon si Jalapadan nga mobalik sila’g koordinar sa Department of Tourism aron pormahon ang lig-ong hugpong sa water rafting association.
Siya miingon nga usa lang ka operator ang nagbaton sa akreditasyon sa syudad ug ang kadaghanan walay migiya kanila.
Pag-abot sa turismo,ilado ang Cagayan de Oro sa white water rafting nga mosubay sa Cagayan River rason nga daghang domestic ug foreign tourist ang misinati usab niini daghan nang katuigan.
