CAGAYAN DE ORO CITY – Gipang-suspenso ang mga klase sa tanang lebel sa mga tunghaang publiko sa walo ka lungsod sa Misamis Oriental.
Kini isip preemptive measures sa maong mga lungsod epekto sa dalang hagit sa bagyong Crising nga taliwala atua sa Luzon apan walay pagkumpiyansa ang kagamhanang-probinsyal batok niini.
Gitahas ni Misamis Oriental Gov. Juliette Uy sa tropa ni PDRRMO head Sotsot Dy nga seguraduhon nga mahatagan sa hugot nga monitoring ang lalawigan kabahin sa dala nga bahad sa panahon.
Kini sa tuyo nga andam matubag ang panginahanglan kung adunay tawag sa emerhensiya.
Hisayrang tipik sa mga lungsod nga nagpatuman sa class suspension ang Balingasag, Kinoguitan, Lagonglong, Talisayan, Salay, Binuangan, Magsaysay ug Sugbongcogon.
