Gisubmitar na sa Philippine National Police (PNP) sa Department of Justice ang complaint affidavit ni Julie Patidongan o mas naila sa alyas “Totoy”.
Nunot kini sa kaso sa mga nawala ug gituohang gipangpatay nga mga sabungero.
Gibutyag ni PNP Chief Police Gen. Nicholas Torre III nga nakuhaan na sa testimonya ang whistle blower pinaagi sa Criminal Investigation Detection Group (CIDG).
Gitug-an ni Torre nga iya nang gitugyan sa DOJ ang tanan dagan sa kaso.
Sa pagkakaron, gitin-aw ni Torre nga 12 nalang ka pulis ang gipaubos sa restrictive costudy kay retirado naman ang duha nga gitudlo ni alyas Totoy.
