Gisang-at ni Atty Ferdinand Topacio ang petisyon alang sa indirect contempt batok kang Sec. Lorenzo “Larry” Gadon, Presidential Adviser for Poverty Alleviation.
Ang petisyon naghisgot sa mga komentaryo ni Gadon nga giingong dili maki-angayon, ug pagbinastos sa Supreme Court human mapagawas ang desisyon nga “unconstitutional” ang impeachment complaint batok kang VP Sara Duterte.
\Giakusahan ni Topacio si Gadon sa pagpanaway sa korte ug kang Chief Justice Alexander Gesmundo.
Gigamit matud pa ni Gadon ang pahayag nga “itoy sa mga Duterte” (tuta sa mga Duterte) ang ulo sa korte suprema kuyog ang tanan mahistrado nga mihimong “unanimous decision” sa pagbasura sa kaso.
Gipamugos ni Topacio nga dili mahimong ipalabay ang mga pahayag ni Gadon kay trabahante kini sa gobyerno ug iyang gipatigbabaw ang pagdaot sa integridad sa hudikatura.
Si Topacio maoy kasamtangang spokesperson sa PDP Laban nga gipanguluhan ni Kanhi Presidente Rodrigo Duterte.
