CAGAYAN DE ORO CITY – Kasado na ang hiniusang pagkuwestiyong-legal sa election advocate groups ngadto sa korte suprema batok sa nagkakusog nga lakang pag-oktaba sa brgy ug sk elections sa nasud ning tuiga.
Nakasaway si National Citizens’ Movement for Free Elections/NAMFREL Misamis Oriental-Cag de Oro chapter coordinator Nestor Banuag Jr sa daw paghinakog sa mga politiko aron kuhaan sa katungod ang katawhan nga makapili sa mga kandidato nga gusto nila modumala sa kabarangayan sa nasud.
Namahayag si Banuag nga kuyog nila sa maong lakang ang arish Pastoral Council for Responsible Voting/PPCRV,Legal Network For Truthful Elections /LENTE ug ubang election advocate groups alang sa hiniusang pagsupak.
Hisayrang daan nang namahayag si veteran election lawyer Romulo Macalintal nga supakon ang buhaton nga pag-oktaba sa eleksyon didto sa Supreme Court.
