CAGAYAN DE ORO CITY – Gikalipay sa mga apektadong residente ang gilugwa nga mando sa Department of Environment and Natural Resources -Mines and Geosciences Bureau /DENR-MGB 10 nga pagpahunong una sa tanang kalihukan sa poultry farms sa pipila ka brgy sa lungsod sa Alubijid,Misamis Oriental.
Kini human imando sa ahensiya ang total CEASE and DESIST ORDER/CDO batok sa 17 ka poultry farms tungod sa grabeng isyu sa mga langaw.
Gipasalamatan sa complainant nga si Rico Pacamalan ang pagtubag sa ilang hangyo aron makapahulay sila sa kahasol nga dala sa mga langaw.
Dugtong niini,gitahasan ang mga opisyal sa Alubijid-Local Government Unit nga gilayong ipatuman ang mga angay buhaton aron kapugngan ang susama nga reklamo nga halos napulo ka tuig nang giantos sa daghang brgy sa maong lungsod.
