CAGAYAN DE ORO CITY – Suportado sa Department of Public Works and Highways/DPWH 10 kung unsa man ang baruganan sa ilang mga kadagkuan sa central office kabahin sa nabulgar nga grabeng kurapsyon sa pagpatuman sa govt infrastructure projects nga linawas gipangsusi ni Pres Bongbong Marcos sa pipila ka Luzon provinces.
Kini human kompirmaha ni DPWH Secretary Manuel Bonoan nga adunay mga gipondohan nga mga proyekto nga nagsilbing ghost flood control projects ug ang uban wala na moagi sa feasibility study.
Namahayag si DPWH 10 spokesperson Novie Cabrido nga kung unsa man ang gihimong pagpasabot sa ilang central office officials, miyukbo sila niini.
Dugang sa opisyal nga kung unsa man ang gimando ni DPWH Secretary Manuel Bonoan kabahin sa gisagubang nila nga isyu ug kontrobersya, mosanong sila sa ilang kadagkuan sa kauluhan.
Apan gipasabot usab ni Cabrido nga adunay mga proyekto nga napondohan dinhi sa rehiyon diin pulos miagi sa ensaktong proseso ang pagtrabaho.
Gihimo ni Cabrido ang pagpasabot nunot sa ilang gihimo nga town hall meeting kuyog ang DPWH 1st District diin nagsentro sa pagpahibalo sa katawhan sa mga proyekto nga natibawas ug kamulo pa ning syudad.
