Gusto ni Navotas Rep. Toby Tiangco nga mapatawag ang mga miyembro sa small committee sa House sa milabay’ng 19th Congress tungod kay gusto niyang masuta kung kinsa ang responsable sa mga kuwestiyonableng insertions sa 2025 national budget.
Ang small committee maoy nagdumala sa final amendments sa budget human sa bicameral conference, ug kini gilangkuban sa mga lider sa Kamara nga wala pay klaro kung kinsa gyud ang upat ka miyembro nga giingon.
Gihangyo ni Tiangco nga ipadayag ang report sa committee aron makita ang transparency ug accountability sa proseso.
Si Zaldy Co, nga kaniadto maoy chairperson sa Committee on Appropriations, giingong adunay kalambigitan sa pag-request sa P17 billion nga flood control projects nga gi-allocate sa iyang mga kaalyado ug distrito.
Tungod kay daghan ang aligasyon nga siya maoy nagmugna sa dagkong insertions, gusto ni Tiangco nga ipatawag siya isip resource person sa imbestigasyon aron motubag sa mga pangutana.
Apan si Co walanna sa plenaryo ug wala motambong sa mga sesyon sa kamarabaha hinungdan nga nagduda ang uban kongresista sa iyang aktibong partisipasyon sa budget insertions.
Sa miaging adlaw miingon si Ako Bicol Rep. Alfredo Garbin nga atua sa Amerika si Co kay nagpahiling sa iyang kasingkasing.
