Namatay na si Grandmaster Daniel Naroditsky sa edad nga 29 niadtong Oktubre 19, 2025, sa Charlotte, North Carolina, sumala sa kumpirmasyon sa Charlotte Chess Center ug sa International Chess Federation (FIDE).
Ning adlawa lang gipagawas ang pag-anusyo sa iyang kamatayon human giberipekar sa FIDE ang nadawat sa report.
Si Naroditsky, nga nailhan usab sa tawag nga “Danya,” usa ka Amerikanong chess prodigy nga nakadaug sa Under-12 World Youth Chess Championship niadtong 2007 ug nakakuha sa GM title sa edad nga 18.
Gawas sa iyang talento sa chess, siya usa ka edukador, YouTuber, ug komentaryo nga girespeto sa tibuok chess community.
Wala pa ipadayag ang hinungdan sa iyang kamatayon, apan daghang top players sama nila Hikaru Nakamura ug Vidit Gujrathi ang mipadayag sa ilang kasubo sa kalit nga pagkawala sa usa ka batan-on ug maalamong grandmaster
