Malampusong nasikop sa 1001st Maneuver Company sa RMFB 10, kauban ang Gingoog CPS ug Misamis Oriental PPO, ang suspek nga gisilbihan sa duha ka search warrant sa Brgy. Lunao, Gingoog City.
Maoy ilang nadakpan si alias Rayan, 30 anyos, minyo, walay trabaho.
Lakip sa iyang gikalambigitang kaso mao ang paglapas sa R.A. 10591 (Comprehensive Firearms and Ammunition Regulation Act).
Sa maong operasyon sa Gingoog City, tulo (3) ka armas ang nakumpiskar:
- 1 ka homemade Cal. 38 revolver
- 1 ka homemade Cal. 22 revolver
- 1 ka Cal. 45 pistol nga adunay markings nga “COLT MFG. CO HARTFORD, M1911A1 US ARMY”
- 6 ka misfired nga Cal. 38 ammunition
- 5 ka buhing bala (live ammunition) sa Cal. 22
- 1 ka empty shell sa Cal. 22
- 7 ka buhing bala sa Cal. 45
- 1 ka buhing bala sa Cal. 9mm
Ang operasyon nagsugod pinasikad sa report sa mga nabalakang-sibilyan nga nakamatikod sa armas nga gihuptan sa suspek.
Misampot ang report sa surveillance ug pag-isyu sa search warrants.
