Masulosyunan na ang dugay nga pagkuha sa mga basura gikan sa hu-ot nga dalan sa Barangay Patag ning syudad.
Kini ang gitin-aw ni Brgy Patag Chairman Eric Abaday human na-uyunan sa ilang konseho nga gamiton ang 200,000 pesos LGU funds nga gihatag ni Mayor Klarex Uy, ug laing 100,000 pesos nga pondo gikan sa panudlanan sa barangay, aron ipalit sa duha ka motorized transport nga makalusot sa inner parts sa ilang baranggay.
Gipasabot ni Abaday nga i-agi nila sa bidding ang pagpalit sa duha ka salakyan lakip na ang kaha nga sudlan sa basura.
Una niini, nakadawat sa reklamo ang Bombo Radyo gikan sa ilang mga residente nga wala pa makuha ang ilang basura sulod na sa tolo hangtud unom ka adlaw kay layo ang ilang dalan sa collection points sa national highway.
usab mireklamo nga dili daw sila dool sa dughan sa kapitan busa dugay makolekta ang ilang basura.
Gisupak kini ni Abaday ug gipamatud-ang naghiusa ang ilang konseho taliwala nga nagsumikad sila sa managlahing bando sa pulitika.
