Gipadayag sa Philippine Air Force (PAF) ang dakong pagbangutan sa pagkawala sa unom ka mga isog nga miyembro sa ilang han-ay, dihang nahagsa ang ilang gisakyang chopper samtang nagpatuman sa humanitarian ug disaster response mission sa Agusan del Sur niadtong Nobyembre 4, 2025, tungod sa Bagyong Tino.
Giila ang mga namatay nga sila:
- Mga Piloto: Capt. Paulie B. Dumagan ug 2Lt. Royce Louis G. Camigla
- Mga Crew: Sgt. Yves B. Sijub, Sgt. John Christopher C. Golfo, A1C Ericson R. Merico, ug A1C Ameer Khaidar T. Apion
Miingon ang PAF nga, magapadayong buhi sa kasingkasing sa katawhan ang ilang pagkabayanihon, dedikasyon, ug matinud-anong pag-alagad sa nasud.
