CAGAYAN DE ORO CITY – Luwas ra ang tulo ka tawo nga unang natabunan sa nahugnong yuta epekto sa kakusog sa ulan sa Brgy Busangot,Binuangan,Misamis Oriental.
Kini human kabahin ang duha ka syudad ug daghang kalungsuran sa probinsya nga nagpatuman sa suspension of classes tungod sa bagyong Verbena nga naghatag sa dakong bahad sa mga pagbaha ug dahili sa kayutaan.
Miingon si Misamis Oriental Provincial Disaster Risk Reduction Management Office/PDRRMO head Fernando Dy Jr nga hinoon walay mga pagpanghikling sa mga pamilya gikan sa 23 ka lugar sa probinsya taliwala sa bahad sa mga pagbaha.
Dumduman nga napaubos sa public storm signal no.1 ang Northern Mindanao region rason nga napatuman ang usa ngadto duha ka adlaw nga class suspension sa publiko ug pribadong mga tunghaan sa Cagayan de Oro,Bukidnon,Lanao del Norte ug Misamis Oriental.
Gilauman nga mabalik na sa normal ang mga operasyon sa mga pantalan ug mga tugpahanan sa syudad ug lalawigan gumikan sa pipila ka kanselasyon sa mga biyahe kagahapong adlawa.
