Inihap nalang ang adlaw ni Zaldy Co. Kini maoy lawom nga mensahe ni Presidente Ferdinand Marcos Jr, sa iyang labing lab-as nga social media post. Namahayag ang presidente nga dili na turista ang pagtratar sa tanan mga mi-ikyas sa Pilipinas, nga nalambigit sa Flood Control Scandal, apan mga kriminal. Duha ang punto sa iyang report. Una, ang direktiba nga bawion ang mga air assets sa kanhi kongresista nga gipanago sa Malaysia ug Singapore. Gimanduan sa presidente ang Department of Transportation (DOTr) ug sa Civil Aviation Authority of the Philippines (CAAP) nga makigkoordinar sa gobyerno sa duha ka nasud. Ang ikaduha nga punto sa presidente mao ang pag-uli ni dismissed DPWH District Engineer Henry Alcantara sa kapin 100-MILYON pesos nga salapi sa gobyerno nga iyang “share” sa kickback gikan sa flood control projects sa Bulacan First District.
