Gikwestyon ni Senador Rodante Marcoleta ang kredensyal ni Markus Lacanilao human kini gitudlo isip hepe sa Land Transportation Office (LTO). Atol sa plenaryo sa deliberasyon sa proposed budget sa Department of Transportation (DOTr), gibulgar ni Marcoleta nga si Lacanilao usa sa misakay sa abyon ni kanhi Presidente Rodrigo Duterte paingon sa The Hague, Netherlands niadtong Marso. Namugos si Marcoleta nga dili igo nga kwalipikasyon ang pagsakay sa eroplano aron mahimong hepe sa LTO. Gawas niini, nasabtan sa senador nga ang iyang appointment nahimong pattern sa reward system sa Marcos Administrasyon, tungod sa iyang pagsilbing Special Envoy on Transnational Crime ug partisipasyon sa biyahe ni Duterte pagawas sa nasud. Gumikan niini, gibabagan ni Marcoleta ang budget nga gialokar sa LTO kay ang pagsilbing chairman sa ahensya nagkinahanglan sa teknikal nga kasayuran sa pagdumala sa rehistro sa sakyanan, lisensya sa drayber, ug regulasyon sa trapiko.
