Personal nga gibisita ni Pope Leo XIV ang tagdumala sa labing daku nga hospital sa mental disability care centers sa Middle East.
Kagahapon, gipasalamatan sa santo papa ang mga naglangkob sa Franciscan Sisters of the Cross nga maoy mi-atiman sa mga pasyente sa mental disability care centers sa De La Croix Hospital sa Jal el Dib, Lebanon.
Misaad kini nga kanunay anaa sa panalangin ang mga masakiton aron sila dali mauli-an, kuyog ang panalangin sa mga nagdumala sa hospital nga sila hatagan sa igong kabaskog sa kalawasan aron mahimong walay paglubad ang ilang pag-atiman sa mga masakiton.
Si Papa Leon miingon nga kanunay duol sa iyang dughan ang adunay kasilik-an ug sila, pinakaduol sa dughan ni Hesu Kristo.
Iyang gi-awhag ang komonidad nga ipatigbabaw ang pagtinabangay, paglaum, kalooy, ug dignidad alang sa mga pasyente.
Giila usab niya nga mga caregivers sama sa Good Samaritan.
Unang natukod ang “De La Croix” Hospital pinaagi ni Blessed Fr. Yaaqoub.
