Nagtagbo ang Technical Working Group (TWG) nga gitukod ni Mayor Roland Klarex Uy aron husayon kung angay ba ipadayon ang kalihukan sa Pasko de Oro sa syudad.
Gitin-aw ni City Information Officer Chief Jade Adecer nga ipatawag sa mayor ang kapulisan, mga miyembro sa intel community, CIO, ug pipila ka departamento sa City Hall aron paminawan ang ilang assessment sa seguridad sa dakung aktibidad.
Mahinumduman nga tradisyon na sa syudad ang pagsaulog sa Pasko de Oro opening ceremony matag Disyembre 1, apan gibabagan kini ni Mayor Uy tungod sa sensitibong impormasyon nga nadawat kabahin sa hulga sa seguridad.
Ang TWG mao ang magdesisyon kung ihinayon pa ba ang maong kalihukan o ipahimutang sa lain nga pamaagi. Una niini, gipamugos ni Adecer nga dili gusto sa mayor nga irisgo ang kalingawan sa kinabag-an katawhan nga dili luwas ang seguridad.
