Gi-isa sa Bureau of Fire Protection – Cagayan de Oro ang “Heightened Alert Status” alang sa nagkaduol nga selebrasyon sa Pasko ug pagsugat sa Bag-ong Tuig. Ang pagsaka sa alerto nagsumikad sa pagpangandam sa mga bombero sa pinaka-dautang hitabo nga posibleng mahitabo sa syudad. Gibutyag ni Fire Superintendent Christopher Regencia, nga ang City Fire Marshall ug miyembro sa task force gitukod sa syudad nga maoy linawas nga mangungay sa pagsusi sa mga patigayon nga gapamaligya sa pabuto, mga fireworks, ug mga pasuga sa Pasko o Christmas lights, ning semanaha. Lakip sa awareness campaign sa BFP sa social media, sa radyo, ug sa gipakatag nga mga flyers ang pag-awhag sa responsabling pinoy nga magmaapingon sa tanan electrical nga gamit sama sa appliances, gadgets, kandila, ug mga dirty kitchen. Ang mga na-nganlan maoy sagad hinungdan sa kalit nga pag-ulbo sa kalayo sa usa ka panimalay. Nagpadumdum usab ang BFP nga panahon sa Pasko, taas ang pagkunsumo sa kuryente ug halos non-stop ug walay palungay ang paglantaw sa TV, chargers, electric fans ug uban pa nga magresulta sa overheating sa mga appliances nga pwede sinugdanan sa sunog.
