CAGAYAN DE ORO CITY – Nagkabulag ang ulo ug lawas sa drayber dihang gikasungag sa passenger bus ang gisakyan nga delivery van sa highway sa Brgy Mandahilag,Talisayan,Misamis Oriental bag-uhay lang.
Sa kuha nga Facebook footages sa Alotmahay Vlog, nasugilon sa kapikas sa wala pa ilhi nga biktima nga daw mikawat sa linya sa dalan ang bus rason sa panagsungag niini.
Sa kakusog sa impact sa bangga, naputol ang lawas ug ulo sa biktima hinungdang nakabsan sa kinabuhi.
Makita sa video nga ang ulo napadulong sa bus ug lawas nabilin sa gimaneho nga sakyanan.
Gilayong miresponde ang kapolisan sa hitabo.
Hinoon,wala magrabehe ang kapikas sa biktima kinsa giingong usa ka maestra taliwala nga nakalingkod kini sa passenger seat.
