Mihatag sa pahimangno ang National Union of Peoples’ Lawyers (NUPL) pinaagi ni Atty. Emphraim Cortez sa mga bag-ong abogado sa Pilipinas nga nakapasar sa 2025 Bar Exam. Namahayag si Cortez sa Bombo Radyo nga bisan paman sa dakong eskandalo nga giatubang karon sa nasud, importante kaayo ang katarungan. Gipadumduman niya ang mga bag-ong abogado nga magserbisyo sa katawhan ug siguruhon nga ang ilang ihatag nga serbisyo tinuod alang sa kausaban ug alang sa mga katawhan nga nagkinahanglan niini.
