Isolated case lamang ang nahitabong pagpanglabay sa lapok sa usa ka motorista nga mi-agi sa diversion road sa pasulod sa Brgy Carmen padulong sa Uptown Area, sa milabay nga adlaw. Kini ang gikompirmar sa Cagayan de Oro City Police Office (COCPO) human nagpatala sa reklamo ang biktima nga igo sa lapok ang mata kay mi-agi sa ngit-ngit nga dalan. Miingon si COCPO Spokesperson Police Captain Emelita Simon nga giimbestigaran na sa Carmen Police Station 4 ang hitabo ug unang higayon pa lamang sila nakadawat sa maong reklamo. Nagtoo ang kapulisan nga posibleng na timingan o na trippingan ang drayber busa ila kining rovingan matag adlaw aron dili na masubli ang incidente. Una niini, mibatig ka-alarma ang driver kay nagtuo siya nga pagpanulis ang intensyon sa mga tawong milabay kaniya sa lapok. –
